You are browsing archives for
A Comunidade de Montes de San Martiño de Vilaboa organiza no próximo día 28 de xullo a xa tradicional Festa Comuneira no Lago de Castiñeiras.
Esta celebración comezou en 2022 con motivo da inauguración dos asadores construídos pola Comunidade, cumprindo este ano a súa terceira edición.
O próximo día 4 de febreiro terá lugar unha nova Xornada de Traballo Comunal co obxectivo realizar unha poda de formación de castiñeiros en monte comunal. Ás 9h30 están convocadas na Mámoa do Rei todas as persoas que queiran colaborar na poda de castiñeiros, da man do enxeñeiro Rodrigo Porto. As persoas terán a posibilidade […]
O proxecto de Tanatorio para Vilaboa está a punto de superar a última fase administrativa coa publicación no Diario Oficial de Galicia o anuncio de convenio entre a Comunidade de Montes de San Martiño de Vilaboa e o Concello de Vilaboa para a modificación puntual do seu PXOM.
A Comunidade de Montes de San Martiño de Vilaboa celebrou este sábado, día 10 de setembro, a inauguración dos asadores construídos no Lago de Castiñeiras.
A Mámoa do Rei, xunto co resto de bens patrimoniais do entorno do Lago de Castiñeiras, foi obxecto dunha actuación de conservación hai menos dun ano.
A Comunidade de Montes de San Martiño de Vilaboa organiza un curso de iniciación ao cultivo de cogumelos no sábado, 18 de xuño, ás 17h no local da Canteira de Paredes.
O obradoiro, que conta cunha parte teórica e outra práctica, será dirixido polo especialista Miguel Ángel Rodríguez Martínez e os participantes obterán as ferramentas necesarias para o cultivo de cogumelos á pequena escala.
A Comunidade de Montes de San Martiño de Vilaboa levou a cabo no pasado fin de semana tarefas de conservación e plantación de novas especies no Parque do Lago de Castiñeiras.
Especies ornamentais e de valor botánico como moreiras brancas, árbores de Santo Outelo, abruñeiros ou nogueiras do xapón fan parte xa da paisaxe dun parque con vontade de xardín botánico.
A eliminación do eucalipto foi o motivo dunha nova xornada de voluntariado organizada pola Comunidade de Montes de San Martiño de Vilaboa. Os abrochos foron eliminados de forma manual e sen herbicidas nunha parcela de 1 hectárea que conta xa cunha plantación de castiñeiros.
Nova xornada de traballo para a eliminación de abrochos de eucalipto.
No próximo domingo día 21, procederemos á eliminación de abrochos de eucalipto nunha plantación de castiñeiros de variedades tradicionais para a produción de fruto.
A Xornada de Traballo e Convivio Viciñal, do pasado día 4 de agosto, realizouse a pesar das condicións meteorolóxicas, pois todas as actividades foron atrasadas para a tarde.
Despois da comida en común na Casa do Lago, os dous grupos iniciaron as actividades. Mentres un grupo de 10 persoas se dirixiu á plantación de castiñeiros para realizar a poda, o outro de perto de 30 inauguraron o Roteiro das Mámoas.
