A Comunidade de Montes reduciu nos últimos 12 anos a presencia de eucalipto nun 17%, aumentou nun 13 % o piñeiro do país e nun 230% foi incrementado o castiñeiro. Co novo proxecto de ordenación aprobado, no mapa futuro da parroquia o eucalipto descenderá até un 14% da superficie forestal, as frondosas autóctonas contarán cun 25% e dominará o piñeiro do país cun 50%.
You are browsing archives for
Ano: 2021
O voluntariado axuda á erradicación do eucalipto nos Montes de Vilaboa
A eliminación do eucalipto foi o motivo dunha nova xornada de voluntariado organizada pola Comunidade de Montes de San Martiño de Vilaboa. Os abrochos foron eliminados de forma manual e sen herbicidas nunha parcela de 1 hectárea que conta xa cunha plantación de castiñeiros.
Xornada de Eliminación de Eucalipto
Nova xornada de traballo para a eliminación de abrochos de eucalipto.
No próximo domingo día 21, procederemos á eliminación de abrochos de eucalipto nunha plantación de castiñeiros de variedades tradicionais para a produción de fruto.
Crónica da Xornada de Traballo
A Xornada de Traballo e Convivio Viciñal, do pasado día 4 de agosto, realizouse a pesar das condicións meteorolóxicas, pois todas as actividades foron atrasadas para a tarde.
Despois da comida en común na Casa do Lago, os dous grupos iniciaron as actividades. Mentres un grupo de 10 persoas se dirixiu á plantación de castiñeiros para realizar a poda, o outro de perto de 30 inauguraron o Roteiro das Mámoas.
Piano no Lago (de Marín)
Nos pasados días 27, 28 e 29 de xullo tivemos ocasión de asistir a un espectáculo dunha beleza a que non estamos acostumados, por varios motivos. Pola orixinalidade dun concerto flotante en que se mestura música de piano, voz e danza; polo palco, o escenario privilexiado imposible de reproducir no auditorios das grandes cidades: o Lago de Castiñeiras; e, como non, polo técnico de iluminación, Lourenzo, que nos obsequiou con fotografías nas horas dourada e azul.
Xornada de Traballo Comunal e Convivio Viciñal
O próximo día 4 de agosto terá lugar a “Xornada de Traballo Comunal e Convivio Viciñal” que ten como obxectivo realizar unha poda de formación de castiñeiros en monte comunal e inaugurar o Roteiro das Mamoas, coa colaboración da ANPA CPI Toural.
A Comunidade aproba anteproxecto de Tanatorio
Os comuneiros e comuneiras de San Martiño de Vilaboa veñen de aprobar por unanimidade o anteproxecto para a construción do Tanatorio de Vilaboa na Asemblea Xeral da Comunidade de Montes celabrada no pasado domingo 27 de xuño.
Variedades tradicionais para a produción de castaña no monte de Vilaboa
A CMVMC de San Martiño de Vilaboa ven de realizar nos últimos meses os traballos de preparación e plantación de case 2,5 hectáreas de castiñeiros enxertados con variedades tradicionais para a produción de fruto. Esta plantación dedicada ao aproveitamento da castaña, contemplado no Plan de Ordenación, pretende diversificar o noso monte e complementar a produción […]
Por un monte con futuro: concentración en Vilaboa
Con motivo da concentración convocada pola Mancomunidade de Montes en Man Común do Morrazo en rexeitamento da 1ª revisión do Plan Forestal de Galicia aprobada recentemente, estaremos diante do Concello de Vilaboa o próximo domingo 21 de marzo ás 12:00. Consideramos que atenta gravemente contra o monte veciñal pretendendo a súa desaparición e privatización: Quere […]
Concurso para a cesión dos terreos do Tanatorio de Vilaboa
Dende a Comunidade de Montes de San Martiño de Vilaboa estamos poñéndonos en contacto con distintas empresas do sector funerario, para presentarlles as bases do concurso para a cesión dos terreos onde se construirá o futuro tanatorio de Vilaboa. Dito terreo tería unha superficie de 4500m2 que serian destinados o edificio do tanatorio e […]